EL GUÍRRIU Y LES COMEDIES

Les neñes y los neños de 4ªA y 4ºB de Llingua Asturiana 

   descubrimos al Guírriu. Un personaxe típicu del Antroxu 

qu’andaba polos chigres de los pueblos anunciando que llegaben 

les comedies y diba buscándo-yos sitios pa representales. 

Vimos un vídeu pa poder facer el nuestru. Y observamos que diba vistíu de blanco, con polaines de pañu prietu, faxa na cintura collorá con un cinchu de cuero enllenu de cascabeles y campanines. Nel pechu tenía una cinta collorá que lu cruzaba. Llevaba na cabeza un gorru llargu y picudu cubiertu de  pelleyos d’oveya, que finaba nun penachu de rabu de  raposu. La cara taba tapá con una mázcara tamién collorá. Y llevaba una piértiga llarga d’ ablanu, cola que saltaba per encima muries y sebes.